ما همك الجرح

ما همك الجرح




يعني عادي ما تبي مني كلام ؟؟
عادي تقفي وتبتعد في حنانك ؟؟

ما على غيرك اذا اقفى ملام
انت والايام ضدي ؟ او زمانك ؟؟

شوف حالي يذبحه شوق وهيام
شوفني من بعد فرقاك ووصالك

اذكر الايام من بعدك حطام
واذكر ان الخافق وعاده فدا لك

واذكر ان القلب له خافق ينام
واذكر ان العين سرمدها انشغالك

خلني مع غفوة احلام النيام
اشتري وابيع في عالم خيالك

ليه يا الخفاق يذبحك اهتمام
وليه تنثرني شتات اصبح عدامك

وليه من بعد ما كنا نعمر احلام
هاجة اسراب الجفا في ليل حالك

عدني حرف(ن) على سطر(ن) ينام
ما بين صفح وحرف مرمى سهامك

يا عذاب القلب يا ضعف السقام
سو في خافق ضنينك ما بدى لك

عدني شربة ضمى وقت اللزام
بل ريقك بالجفا واقطع وصالك

عدني ضي لعيونك يا الهمام
وقت غارات عصفك امكن خطامك

يا براءة طفل يا غفوة سلام
يا حنان الام في وقت المهالك

يا وقار الشيب يا ستر الظلام
يا امان المستكنين وطيب فالك



(وعــ الامل ــد)